麥玲玲從秘書到風水大師
來源: 《成報》2012年11月22日A02版
發布者:《成報》朱開通
2012年11月24日 19:32
認識麥玲玲有一段相當長的時間了,這天,應上級「指示」要採訪麥師傅,這位身形十年不變的「老朋友」甫一見面,她就向同行的林爽兒主任介紹:「我認識開通哥哥最起碼有20年時間了。」她這麼一說,記者想報細年齡也不可能了。在麥玲玲的腦海裏,她對每一件往事片段都記憶猶新,當年記者在朋友的介紹下認識了這位「玲玲妹妹」,並邀請她為某周刊撰寫她的處女專欄,介紹室內盆栽、養金魚等擺設對戶主健康的影響,就從那個時候開始,記者就看着這位「妹妹」一步一步走到今天事業有成的豐盛之路。回首20年來,麥玲玲從兼職算命,到今天成為大中華地區響噹噹名堂的一級風水大師,走過的路相當遙遠,也相當艱難。每個人成功都有一段故事,作為一個受殖民地教育,不諳普通話的小姑娘,如何闖入世途險惡的大陸大展拳腳,撈到第一桶巨金,而奠下今天的「堪輿王國」,麥玲玲就是這麼的一位奇女子。
作者:《成報》專題部主任、中華文化藝術名家協會副會長 朱開通
原載:《成報》2012年11月22日A02要聞版
12年前又是龍年,正是麥玲玲投身電子傳媒,一炮而紅走出第一步的開始,她對記者憶述:「我好記得我是龍年出道的,算起來轉眼間也過了12年了。當時因為李承責接了兩個電影台的節目,魚與熊掌要捨其一,結果他答應了上TVB年卅晚的節目,而放棄了有線電視的節目,但他也推介了好幾位同行的朋友給有線,有線覺得當中有個女師傅幾有新鮮感,於是就給我機會試鏡。當時我老公(何德)知道要配搭林敏驄的節目,他也提出過反對,他認為那類節目好刻薄的,係好難為嘉賓的節目,但係我係新人無咩嘢壓力,好快就應承出鏡。就在我處女出鏡嗰日仲撞到林太陳伶俐,我仲同伶俐講『妳同妳老公講就住下啦,我第一次出鏡咋。』點知佢個衰人(指林敏驄)用架手推車推我出場,仲自爆對白講:『嘩!師傅妳屬咩嘢呀?咁重嘅!』好彩我又蠢唔晒,口齒伶俐可以應付有餘。」
李瑜設玄學節目提攜後輩
麥玲玲初出道時,從不計較要有甚麼條件,出show要收多少酬勞?因為人家給你機會,自己應該好好把握。「做了好一輪免費節目後,陳伶俐介紹TVB《都市閒情》的監製李瑜給我認識,李瑜叔好好人,又肯提攜後輩,佢後來更開設玄學節目,有男有女,一個師傅孭一集,出街後反應不錯,觀眾也接受香港原來有個女玄學家,就這樣開展了我的風水仕途。」麥玲玲娓娓道來,有聲有色。
「妳是何時開始進軍國內市場呢?」記者問。
麥師傅表示:「一個偶然的機會,我覺得香港的市場畢竟是太細,開始有啲國內人到香港來搵我,但係我對國內並唔熟,鳳凰衛視曾經都聯絡過我,我覺得自己講國語唔好,又唔了解鳳凰衛視唔知係咩嘢機構,於是便推卻了,我當時真係唔知原來鳳凰衛視背後有咁大市場。我只覺得香港市場都未做得晒,沒有必要伸展到其他地方。」
溫州大老闆出高價睇風水
「到後來,有啲國內客會主動來搵我,我記得有個男士打電話俾我,他在電話中用普通話直言:『老師,妳過來,我想找妳看風水。』當時我問對方喺邊度?佢話在溫州。當時我連溫州喺邊度位置都唔知,其實就喺上海隔離,我用唔鹹帶淡的廣東話回答:『那麼遠呀!我不過去啦。』但對方好有誠意不停咁打電話俾我,其實我一個女仔真係好驚,點可能自己一個人去到溫州呀?我心想,就算我過去,你呃我唔畀錢都唔緊要,你綁架我等我老公嚟贖我就唔使諗啦,老公一定唔會來贖我啦。有得我喺嗰邊啦,死緊啦!」麥玲玲說時,自己也忍唆不住哈哈大笑起來。
麥玲玲繼續說:「但係對方繼續打電話俾我,他說『錢不是問題,妳過來就可以啦!我們是大公司的。』甚麼甚麼的,我都唔知點推佢,就求其開咗個價30萬啦,對方即時話『沒問題呀!』我當時更加驚,正常客人都會還下價,佢竟然一口答應,於是我心底裏更加有一種怯怕的感覺,對方仲喺香港派一個女仔來見我,嗰個講廣東話唔正的女仔只會說『妳信我啦,佢好有錢架!』成個鄉下妹咁,我有咩辦法唔驚呀!最衰當時有一個教國語的老師同我講,『溫州是全中國最多騙子的地方』,到後來我撞到曹眾,佢係溫州市政協委員、香港溫州同鄉會副會長,經過佢打聽之後,原來對方真係中國石油在溫州地區的老闆,因為佢係國企,所以唔方便直接搵我去睇風水,後來都係曹眾陪我過去的。」
天時地利人和飲了頭啖湯
麥玲玲經過這一次到國內「處女出征」後,終於明白到原來中國市場是那麼的大,有錢的人是那麼的有能力。於是,她開始對國內市場進行全面性的規劃,有系列地向發展商「埋手」,「幫佢哋睇地盤,幫佢哋做規劃,幫佢哋做後期的宣傳。講起嚟都已經係我出道第二年的事,係十幾年前了,當時收得好平,做一個一小時的風水講座可能收一萬、兩萬,我都願意去做,依家當然係貴好多啦,但大陸人就算係俾二三十萬做一個講座都覺得係無問題。隨後,香港的基地打好了基礎,聲譽也開始建立起來,而國內房地產在這幾年的快速發展,也直接帶動了我們的生意,現時內地任何大發展商都是我們的策略性夥伴,例如利海、萬達、萬科、金地,香港本土基地的和記黃埔、新世界等。老實講,在市中心位置容易銷售的樓盤是毋須要搵我哋的,其他區份的話,發展商在勾地之後就會叫我哋上去做規劃,同則師開會,研究如何布局,主入口位置方向,幾座大廈如何規劃等,內地起樓好快,由勾地到起好可能年半時間就可以推售了。目前,遠至哈爾濱、長春等東北的城市我們也要去做了。」
麥玲玲發展內地市場可說是比較早,正如是「飲了頭啖湯」,她指出,「蘇民峰師傅已處於半退休狀態,他覺得返大陸太辛苦,又怕會俾人標參;楊天命又話自己普通話唔得,返大陸發展唔係人人都願意的。」不過,話說回來,或許真的是「天助我也」,天時地利人和,給麥玲玲這位巾幗英雄打遍天下無敵手,在神州大地立下了豐功偉績。
入住國營酒店服務態度差
「在內地縱橫大江南北,食住方面有無出現過甚麼有趣的事呢?」記者問。
「講到住酒店方面,我哋好堅持一定要住外資的五星級酒店,在合約中也會特別註明,因為我哋試過入住國營酒店,所謂五星級只不過係有一支五星旗,服務態度差得好離譜,譬如冷氣機壞咗打電話到服務台,「空調壊了,可唔可以幫我換個房間呀?』對方會同你講『你打開陽台的門啦,會涼快一點啊!』真係令你啼笑皆非。」
訪問時,爽姐插口問了一句:「我哋《成報》老闆謝海榆,同時係利海集團主席,集團發展的房地產項目都有搵麥師傅睇風水,謝老闆為人都好nice(友善),麥師傅妳點睇呢!妳覺得呢?」
「好!好!好好人呀!」麥玲玲衝口而出,答得快而準!
麥玲玲網頁:http://www.maklingling.com.hk
吉慶堂網頁:http://www.jiqingtang.hk
麥玲玲小檔案
祖籍■廣東鶴山
生日■2月3日
星座■水瓶座
畢業■英華女學校
丈夫■何德(中信泰富科技發展部經理)
1987年■收聽風水專家林真的電台節目,繼而向他學藝。
1992年■大專畢業後任職秘書,後到吳伯仲律師行當律師文員,並兼職算命。
1996年■轉型為全職堪輿學家,客戶包括證券行及大型地產公司。同時為各報章、雜誌撰寫風水命理專欄,也曾到不同的電視台及電台主持玄學節目,間中亦會在電影中客串演出。
著作■
《緣來有理》
《踏上青雲路》
《家擇好風水》
《面相天書》
《每年運程書籍》
電視及電台節目■
《人傑地靈》
《玄機解碼》
《怪談》
《行運有「玄」因》
《千奇百趣Summer Fun》
《大龍鳳》(商台)
電影演出■
抱抱俏佳人(2010)
猛男滾死隊(2011)
我愛HK開心萬歲(2011)
最強囍事(2011)
2012我愛HK喜上加囍(2012)
八星抱喜(2012)
低俗喜劇(2012)
音樂■
農夫:《風生水起》feat.麥玲玲
發布者:《成報》朱開通
2012年11月24日 19:32
認識麥玲玲有一段相當長的時間了,這天,應上級「指示」要採訪麥師傅,這位身形十年不變的「老朋友」甫一見面,她就向同行的林爽兒主任介紹:「我認識開通哥哥最起碼有20年時間了。」她這麼一說,記者想報細年齡也不可能了。在麥玲玲的腦海裏,她對每一件往事片段都記憶猶新,當年記者在朋友的介紹下認識了這位「玲玲妹妹」,並邀請她為某周刊撰寫她的處女專欄,介紹室內盆栽、養金魚等擺設對戶主健康的影響,就從那個時候開始,記者就看着這位「妹妹」一步一步走到今天事業有成的豐盛之路。回首20年來,麥玲玲從兼職算命,到今天成為大中華地區響噹噹名堂的一級風水大師,走過的路相當遙遠,也相當艱難。每個人成功都有一段故事,作為一個受殖民地教育,不諳普通話的小姑娘,如何闖入世途險惡的大陸大展拳腳,撈到第一桶巨金,而奠下今天的「堪輿王國」,麥玲玲就是這麼的一位奇女子。
作者:《成報》專題部主任、中華文化藝術名家協會副會長 朱開通
原載:《成報》2012年11月22日A02要聞版
12年前又是龍年,正是麥玲玲投身電子傳媒,一炮而紅走出第一步的開始,她對記者憶述:「我好記得我是龍年出道的,算起來轉眼間也過了12年了。當時因為李承責接了兩個電影台的節目,魚與熊掌要捨其一,結果他答應了上TVB年卅晚的節目,而放棄了有線電視的節目,但他也推介了好幾位同行的朋友給有線,有線覺得當中有個女師傅幾有新鮮感,於是就給我機會試鏡。當時我老公(何德)知道要配搭林敏驄的節目,他也提出過反對,他認為那類節目好刻薄的,係好難為嘉賓的節目,但係我係新人無咩嘢壓力,好快就應承出鏡。就在我處女出鏡嗰日仲撞到林太陳伶俐,我仲同伶俐講『妳同妳老公講就住下啦,我第一次出鏡咋。』點知佢個衰人(指林敏驄)用架手推車推我出場,仲自爆對白講:『嘩!師傅妳屬咩嘢呀?咁重嘅!』好彩我又蠢唔晒,口齒伶俐可以應付有餘。」
李瑜設玄學節目提攜後輩
麥玲玲初出道時,從不計較要有甚麼條件,出show要收多少酬勞?因為人家給你機會,自己應該好好把握。「做了好一輪免費節目後,陳伶俐介紹TVB《都市閒情》的監製李瑜給我認識,李瑜叔好好人,又肯提攜後輩,佢後來更開設玄學節目,有男有女,一個師傅孭一集,出街後反應不錯,觀眾也接受香港原來有個女玄學家,就這樣開展了我的風水仕途。」麥玲玲娓娓道來,有聲有色。
「妳是何時開始進軍國內市場呢?」記者問。
麥師傅表示:「一個偶然的機會,我覺得香港的市場畢竟是太細,開始有啲國內人到香港來搵我,但係我對國內並唔熟,鳳凰衛視曾經都聯絡過我,我覺得自己講國語唔好,又唔了解鳳凰衛視唔知係咩嘢機構,於是便推卻了,我當時真係唔知原來鳳凰衛視背後有咁大市場。我只覺得香港市場都未做得晒,沒有必要伸展到其他地方。」
溫州大老闆出高價睇風水
「到後來,有啲國內客會主動來搵我,我記得有個男士打電話俾我,他在電話中用普通話直言:『老師,妳過來,我想找妳看風水。』當時我問對方喺邊度?佢話在溫州。當時我連溫州喺邊度位置都唔知,其實就喺上海隔離,我用唔鹹帶淡的廣東話回答:『那麼遠呀!我不過去啦。』但對方好有誠意不停咁打電話俾我,其實我一個女仔真係好驚,點可能自己一個人去到溫州呀?我心想,就算我過去,你呃我唔畀錢都唔緊要,你綁架我等我老公嚟贖我就唔使諗啦,老公一定唔會來贖我啦。有得我喺嗰邊啦,死緊啦!」麥玲玲說時,自己也忍唆不住哈哈大笑起來。
麥玲玲繼續說:「但係對方繼續打電話俾我,他說『錢不是問題,妳過來就可以啦!我們是大公司的。』甚麼甚麼的,我都唔知點推佢,就求其開咗個價30萬啦,對方即時話『沒問題呀!』我當時更加驚,正常客人都會還下價,佢竟然一口答應,於是我心底裏更加有一種怯怕的感覺,對方仲喺香港派一個女仔來見我,嗰個講廣東話唔正的女仔只會說『妳信我啦,佢好有錢架!』成個鄉下妹咁,我有咩辦法唔驚呀!最衰當時有一個教國語的老師同我講,『溫州是全中國最多騙子的地方』,到後來我撞到曹眾,佢係溫州市政協委員、香港溫州同鄉會副會長,經過佢打聽之後,原來對方真係中國石油在溫州地區的老闆,因為佢係國企,所以唔方便直接搵我去睇風水,後來都係曹眾陪我過去的。」
天時地利人和飲了頭啖湯
麥玲玲經過這一次到國內「處女出征」後,終於明白到原來中國市場是那麼的大,有錢的人是那麼的有能力。於是,她開始對國內市場進行全面性的規劃,有系列地向發展商「埋手」,「幫佢哋睇地盤,幫佢哋做規劃,幫佢哋做後期的宣傳。講起嚟都已經係我出道第二年的事,係十幾年前了,當時收得好平,做一個一小時的風水講座可能收一萬、兩萬,我都願意去做,依家當然係貴好多啦,但大陸人就算係俾二三十萬做一個講座都覺得係無問題。隨後,香港的基地打好了基礎,聲譽也開始建立起來,而國內房地產在這幾年的快速發展,也直接帶動了我們的生意,現時內地任何大發展商都是我們的策略性夥伴,例如利海、萬達、萬科、金地,香港本土基地的和記黃埔、新世界等。老實講,在市中心位置容易銷售的樓盤是毋須要搵我哋的,其他區份的話,發展商在勾地之後就會叫我哋上去做規劃,同則師開會,研究如何布局,主入口位置方向,幾座大廈如何規劃等,內地起樓好快,由勾地到起好可能年半時間就可以推售了。目前,遠至哈爾濱、長春等東北的城市我們也要去做了。」
麥玲玲發展內地市場可說是比較早,正如是「飲了頭啖湯」,她指出,「蘇民峰師傅已處於半退休狀態,他覺得返大陸太辛苦,又怕會俾人標參;楊天命又話自己普通話唔得,返大陸發展唔係人人都願意的。」不過,話說回來,或許真的是「天助我也」,天時地利人和,給麥玲玲這位巾幗英雄打遍天下無敵手,在神州大地立下了豐功偉績。
入住國營酒店服務態度差
「在內地縱橫大江南北,食住方面有無出現過甚麼有趣的事呢?」記者問。
「講到住酒店方面,我哋好堅持一定要住外資的五星級酒店,在合約中也會特別註明,因為我哋試過入住國營酒店,所謂五星級只不過係有一支五星旗,服務態度差得好離譜,譬如冷氣機壞咗打電話到服務台,「空調壊了,可唔可以幫我換個房間呀?』對方會同你講『你打開陽台的門啦,會涼快一點啊!』真係令你啼笑皆非。」
訪問時,爽姐插口問了一句:「我哋《成報》老闆謝海榆,同時係利海集團主席,集團發展的房地產項目都有搵麥師傅睇風水,謝老闆為人都好nice(友善),麥師傅妳點睇呢!妳覺得呢?」
「好!好!好好人呀!」麥玲玲衝口而出,答得快而準!
麥玲玲網頁:http://www.maklingling.com.hk
吉慶堂網頁:http://www.jiqingtang.hk
麥玲玲小檔案
祖籍■廣東鶴山
生日■2月3日
星座■水瓶座
畢業■英華女學校
丈夫■何德(中信泰富科技發展部經理)
1987年■收聽風水專家林真的電台節目,繼而向他學藝。
1992年■大專畢業後任職秘書,後到吳伯仲律師行當律師文員,並兼職算命。
1996年■轉型為全職堪輿學家,客戶包括證券行及大型地產公司。同時為各報章、雜誌撰寫風水命理專欄,也曾到不同的電視台及電台主持玄學節目,間中亦會在電影中客串演出。
著作■
《緣來有理》
《踏上青雲路》
《家擇好風水》
《面相天書》
《每年運程書籍》
電視及電台節目■
《人傑地靈》
《玄機解碼》
《怪談》
《行運有「玄」因》
《千奇百趣Summer Fun》
《大龍鳳》(商台)
電影演出■
抱抱俏佳人(2010)
猛男滾死隊(2011)
我愛HK開心萬歲(2011)
最強囍事(2011)
2012我愛HK喜上加囍(2012)
八星抱喜(2012)
低俗喜劇(2012)
音樂■
農夫:《風生水起》feat.麥玲玲